Notiçie

Cae/i amighe/xi de “Che l’inse!”,

ve regordemmo l’appontamento de sabbo 7 de ottobre à 11 oe d.d. a-o Castello de Nervi, in Passeggiata Garibaldi 22, sede ANPI-ANCR pe-a presentaçion de doe propòste de lezze regionale de iniçiativa popolare, e l’iniçio pe-a campaga de arrecuggeita de firme. L’è importante che vegnî e che portæ de persoñe interessæ.

Chi o dovesse retiâ a tessia ò inscrivise, l’incontro o serve ascì comme riunion de CLI. Chi o l’arriva co-o treno, o peu chinâ à Zena Nervi e inte 4 menuti o treuva o pòsto da riunion.

Allegri!

Andrea Acquarone (O Prescidente)

Cae/i amighe/xi de “Che l’inse!”,

con grandiscima satisfaçion ve informo che e propòste de lezze son stæte açettæ! Oua deve arrivâ unna communicaçion formale, e emmo da anâ à piggiâ i primmi feuggi vidimæ pe comensâ l’arrecuggeita. Pe avei o tempo de fâ ste cöse, e arrivâ a-a riunion con tutto pronto pe spartîse o lou, pensemmo de ciammâ a riunion o giorno 7 de ottobre à 11 oe d.m. a-o Catsello de Nervi.

A saià unna riunion importante, perché probabilmente faiemo ascì unna conferensa stampa, e ghe vegnià di giornalisti. S’aspetemmo unna parteçipaçion de massa, e portæ di amixi. Inti pròscimi giorni inandiemo l’evento in sce Facebook e continuiemo à regordâ l’appontamento.…

Dòppo che pe quarche meise o l’ea stæto feua linia, apreuvo à unn’açion de hacking, finarmente “Che l’inse!” a torna on-line con un portale completamente redisegnou.

O neuvo scito o l’è bilingue areo – italian e ligure – e fito o saià ampliou e constantemente aggiornou.

L’è oua poscibile inscrivise a-a newsletter de l’associaçion, de lengê, inseindo o pròpio addresso de pòsta elettrònica inta casella in ato à dirta. Unna mail a domandià de confermâ l’incriçion, inte unna mainea bella semplice. Se voei, poei inseî a vòstra mail inta mæxima casella e anâ apreuvo a-e indicaçioin che riçeviei via mail.

 

Quest'oggi, 19 aprile, i delegati dell'associazione hanno presentato le bozze di Legge Regionale di Iniziativa Popolare per:

  • la tutela del patrimonio linguistico ligure - scarica
  • l'adozione della "Croce di San Giorgio" come bandiera della Regione Liguria - scarica

Attendiamo ora che la Regione dia il via libera per la raccolta firme, che avverrà tra la primavera e l'estate. Presto comunicheremo le ubicazioni dei punti di raccolta firme.