Notiçie

Mätesdì 3 de arvî inta sala do Menô Conseggio a-o Paxo à Zena, da 6.00 d.d. à 7.15 d.d. o Prescidente Acquarone o dialoga co-o Vittorio Coletti, cattedrattico e membro de l’ “Accademia della Crusca”, sotta a moderaçion do Alessandro Cassinis, editorialista de “Il Secolo XIX”, in sciô tema da lengua ligure, o seu status. (Chì un eco de stampa)

Unn’occaxon pe confrontâ a vixon de chi o vedde o zeneise comme un dialetto e chi o veu promeuve o seu prestigio. Fito daiemo atre informaçioin.

O Prescidente de “Che l’inse!” Andrea Acquarone o l’è stæto invitou à fâ unna relaçion in sciô tema “The ‘small Renaissance’ of Ligurian and the obstacles it faces” (O Repiggin do Ligure e i sappelli ch’o l’incontra) a-a conferensa internaçionâ ch’a se tegnià à Amsterdam i 3 e 4 de mazzo intranti, dedicâ a-i “contested langauges”.

http://www.multilingualism.humanities.uva.nl/clow3/  (Chì un eco de stampa)

Anche parlando à livello scientifico internaçionâ, e çercando contatti e arrembi, se pòrta…

Primocanale o parla de nòstre propòste de lezze.

Il Secolo XIX o parla de nòstre propòste de lezze.

Il Secolo XIX o parla de nòstre propòste de lezze (II).

Intervista a-o…

Zeuggia 1 de frevâ “Che l’inse!” a l’è stæta convocâ in Region pe unn’audiçion in scê propòste de lezze presentæ da-a maggioranza, in atteisa che a nòstra propòsta a l’arrive in Conseggio.

Emmo portou a nòstra competensa a-e instituçioin; l’audiçion a l’è stæta utile e speremmo che ne sciòrte do bon.

Insemme a niatri, son stæte invitæ atre associaçioin ligæ a-a lengua e a-a coltua da Liguria, dimostrando che l'interesse de instituçioin pe-i nòstri temi o cresce giorno dòppo giorno.

Cae/i amighe/xi de CLI,

into fâve i auguri de bon anno ve rigordemmo che ghe saià unna grande riunion de CLI sabbo 13 de zenâ, à 11 oe d.m., inti locali de Via do Meu 15 rosso. Faiemo o ponto da scituaçion e se coordiniemo perché o 2018 o segge l’anno do sato de qualitæ.

Boña notiçia avanti de feste: dòppo Olivetta San Michê e Framua, anche o Commun de Leivi o l’à deliberou à favô de nòstre proposte de lezze. Aspëtemmo atre delibee e anemmo avanti con l’arrecuggeita de firme. Chi o fïse interessou à dâne unna man che o se fasse avanti! Che l'inse!
 
Andrea Acquarone (O Prescidente)