Notiçie

Dòppo a manifestaçion de sabbo 13 ottobre (https://www.facebook.com/events/281017589366633/) in tanti l’è spegou o dexidëio de conoscise de persoña, de analizzâ quello ch’emmo fæto, de valutâ l’opportunitæ de neuve iniçiative.

A battaggia pe dâghe torna un futuo à Zena e a-o seu territöio a l’è tòsto comensâ, e l’è neçessäio che a çittadinansa a se impliche inta construçion de un destin commun. Solo se e persoñe descrovian unna neuva parteçipaçion, a-o de là de appartenense ideològiche, riesciemo à cheugge da-a tragedia e energie pe inventâ torna o futuo.

Emmo coscì deçiso de inandiâ a-i Giardini Luzzati, anche…

I 13 de ottobre 3.000 persoñe son chinæ in ciassa inte unna grande manifestaçion ch’a domandava:

1. Un progetto de sviluppo prospettico pe-o nòstro territöio, da tròppo tempo lasciou à tòrçio

2. Un megioamento strutturale do finançiamento, pe mezo do trattegnimento do 10% de impòste generæ da l’attivitæ portuale.

A manifestaçion a l'è servia perché Zena a se descruvisse torna “soggetto politico”; CLI a l’à organizzâ insemme à “Riprendiamoci Genova” e “EmerGente”. Chì o manifesto da…

E propòste de lezze de iniçiativa popolare in sce l' Avvardo do Patromionio Linguistico Ligure e l' Assunçion da Croxe de San Zòrzo comme bandea da Region Liguria son arrivæ in Region. L'iniçiativa popolare a l'à trionfou, graçie à l'arrembo de 20 Communi da Liguria: l’Auriveta, Baiardo, Garlenda, Ortoê, Stananello, Vendon, Arnasco, Casaneuva, Villaneuva, Boggiasco, Zoagi, Ne, San Comban, Leivi, Cogorno, Mezzanego, San Stê, Caro, Carrodan e Framua.

Graçie! Oua a paròlla a passa a-i politichi.…

Mätesdì 3 de arvî inta sala do Menô Conseggio a-o Paxo à Zena, da 6.00 d.d. à 7.15 d.d. o Prescidente Acquarone o dialoga co-o Vittorio Coletti, cattedrattico e membro de l’ “Accademia della Crusca”, sotta a moderaçion do Alessandro Cassinis, editorialista de “Il Secolo XIX”, in sciô tema da lengua ligure, o seu status. (Chì un eco de stampa)

Unn’occaxon pe confrontâ a vixon de chi o vedde o zeneise comme un dialetto e chi o veu promeuve o seu prestigio. Fito daiemo atre informaçioin.

O Prescidente de “Che l’inse!” Andrea Acquarone o l’è stæto invitou à fâ unna relaçion in sciô tema “The ‘small Renaissance’ of Ligurian and the obstacles it faces” (O Repiggin do Ligure e i sappelli ch’o l’incontra) a-a conferensa internaçionâ ch’a se tegnià à Amsterdam i 3 e 4 de mazzo intranti, dedicâ a-i “contested langauges”.

http://www.multilingualism.humanities.uva.nl/clow3/  (Chì un eco de stampa)

Anche parlando à livello scientifico internaçionâ, e çercando contatti e arrembi, se pòrta…