Chi semmo

Chi semmo

A garia inte un mâ de mouxi

“A garia inte un mâ de mouxi”

“Che l’inse!” (CLI) a l’é unn’Assoçiaçion de Promoçion Soçiâ spegâ do 2013. Ispiâ da-i studdi sòçio-economichi do Andrea Acquarone, che assegnan a-e communitæ locali un ròllo primmäio into proçesso de sviluppo e veddan inte regioin/naçioin istòriche a dimenscion territoriale de base de l’açion econòmica, politica e soçiâ, o scöpo de “Che l’inse!” o l’é o repiggio da conscensa colturale, istòrica, linguistica e identitäia ligure. Delongo inte unnn’òttica de avertua verso o mondo e a contemporaneitæ.

 

A miscion de Cli a l’é quella de fâ rescioî o sentimento de appartenensa communitäia, perché sensa sta dimenscion e communitæ locali reisegan d’ëse sobbaccæ da-o proçesso de omologaçion colturale in atto. Travaggemmo donca in scî scimboli de l’identitæ colturale, à l’insegna de l’incluxon, consci che l’identitæ a l’é un conçetto fluido, che o se evòlve into tempo.

 

No stemmo à buscâ nemixi, oltre a-a perdia da conscensa naçionâ che an patio i liguri, de maniman, apreuvo a-o 1814, e da quæ solo che i liguri son caxon; chisesegge o peu intrâ inte CLI, à patto de scompartî e finalitæ da nòstra açion.

 

Descarega o statuto de Che l'inse!

 

Con tutto che o l’è un movimento de renascion çivile e colturale, CLI a l’esprimme unna vixon politica orientâ a l’autonomismo no leghista. A s’oppoñe con fòrsa à l’idea de mette insemme e regioin, e ançi a l’à comme miscion l’inlarghimento da Liguria, pe  recuperâ a seu dimenscion istòrica.

 

Italia delle macroregioni                  Liguria

 

Creddemmo inte unn’Euròpa fæta de regioin, ò naçioin istòriche, unie inte unna ræ pe finalitæ esterne, e autònome pe quello che o l’à à vedde co-a gestion de l’instruçion e de infrastruttue de base. Solo anando oltre a-a dimenscion do stato-naçion se porrià dâ torna prosperitæ a-i territöi: inte unn’epoca inta quæ o çentro do poei o s’allontaña, con diventâ internaçionâ, avvexinâ torna o governo a-o territöio o vëgne primmäio.

 

Indipendence Day

 

 

Chì de sotta i link a di articoli scriti da Andrea Acquarone à propòxito de: