Lezze açettæ! Riunion 7 de ottobre

Lezze açettæ! Riunion 7 de ottobre

Cae/i amighe/xi de “Che l’inse!”,

con grandiscima satisfaçion ve informo che e propòste de lezze son stæte açettæ! Oua deve arrivâ unna communicaçion formale, e emmo da anâ à piggiâ i primmi feuggi vidimæ pe comensâ l’arrecuggeita. Pe avei o tempo de fâ ste cöse, e arrivâ a-a riunion con tutto pronto pe spartîse o lou, pensemmo de ciammâ a riunion o giorno 7 de ottobre à 11 oe d.m. a-o Catsello de Nervi.

A saià unna riunion importante, perché probabilmente faiemo ascì unna conferensa stampa, e ghe vegnià di giornalisti. S’aspetemmo unna parteçipaçion de massa, e portæ di amixi. Inti pròscimi giorni inandiemo l’evento in sce Facebook e continuiemo à regordâ l’appontamento.

Allegri!

 

Andrea Acquarone

(O Prescidente)