Incontro 11 novembre

Incontro 11 novembre

Dòppo a manifestaçion de sabbo 13 ottobre (https://www.facebook.com/events/281017589366633/) in tanti l’è spegou o dexidëio de conoscise de persoña, de analizzâ quello ch’emmo fæto, de valutâ l’opportunitæ de neuve iniçiative.

A battaggia pe dâghe torna un futuo à Zena e a-o seu territöio a l’è tòsto comensâ, e l’è neçessäio che a çittadinansa a se impliche inta construçion de un destin commun. Solo se e persoñe descrovian unna neuva parteçipaçion, a-o de là de appartenense ideològiche, riesciemo à cheugge da-a tragedia e energie pe inventâ torna o futuo.

Emmo coscì deçiso de inandiâ a-i Giardini Luzzati, anche pe ringraçiâli de l’agiutto tennico che n’an dæto sabbo 13, unn’occaxon de incontro averto à tutti (i 11 de novembre da 18.00 oe à 20.00 oe). Niatri portiemo o striscion de “Riprendiamoci Genova”, e se se veu portâ i “sanzorzin”, no guastan: son o scimbolo de l’impegno transversale pe Zena.