Notiçie

11 Frevâ 2018

Mätesdì 3 de arvî inta sala do Menô Conseggio a-o Paxo à Zena, da 6.00 d.d. à 7.15 d.d. o Prescidente Acquarone o dialoghià co-o Vittorio Coletti, cattedrattico e membro de l’ “Accademia della Crusca”, sotta a moderaçion do Alessandro Cassinis, editorialista de “Il Secolo XIX”, in sciô tema da lengua ligure, o seu status.

Saià l’occaxon pe confrontâ a vixon de chi o vedde o zeneise comme un dialetto e chi o veu promeuve o seu prestigio. Fito daiemo atre informaçioin.

7 Frevâ 2018

O Prescidente de “Che l’inse!” Andrea Acquarone o l’è stæto invitou à fâ unna relaçion in sciô tema “The ‘small Renaissance’ of Ligurian and the obstacles it faces” (O Repiggin do Ligure e i sappelli ch’o l’incontra) a-a conferensa internaçionâ ch’a se tegnià à Amsterdam i 3 e 4 de mazzo intranti, dedicâ a-i “contested langauges”.

http://www.multilingualism.humanities.uva.nl/clow3/

Anche parlando à livello scientifico internaçionâ, e çercando contatti e arrembi, se pòrta avanti a battaggia pe l’avvardo da nòstra lengua.

2 Frevâ 2018

Primocanale o parla de nòstre propòste de lezze.

Savonanews o scrive da propòsta de lezze do Puggioni.

Primocanale o scrive da propòsta de lezze do Vaccarezza e do Muzio…